الرسالة الثانية والعشرون - - - > .. هانزل هنا ..

هانزل هنا ..
ماعرفش هي محطتي ولا لسه
بس انا هانزل هنا

يمكن اكون خايف اكمل
ولا خايف المشوار يطول
علشان كده .. هانزل هنا

يمكن هروب
يمكن جنون
يمكن دلع
وسط الدروب
وسط العيون
قلبي اتوجع
قاللي خلاص .. إنزل هنا

غطي القلم وإنزل هنا
سيب الورق وإنزل هنا

عد المحطات اللي عديت عليها وافتكرها
فكر في المحطات اللي لسه هاتقابلها
إجعل ماضيك مستقبلك
وإنزل هنا

سيب القصيدة اللي لسه ماكتبتهاش
وإنسى الحكاية اللي خايف ما تحكيهاش
وإنزل هنا

بيع الجمل بما حمل
بيع الألم ويـّـا الأمل
الجرح اللي هاتسيبه مكانك
مسيره بكرة يتقفل
يبقى إفتحه .. و إنزل هنا

قلبي العبيط بيوزني
وحلم بيغيب هزني
وقع من جيبي
ماوطيتش اجيبه
سبته مكانه وانا خايف حد يدوس عليه
وبصيت ع الارض عشان ما ادوسشى
على حلم حد

حلمي اترعش
قلبي العبيط نفسه اندهش
لما وقفت وقلت ..
خلاص .. بجد
انا هانزل هنا .

لـــِ
شادى زلط
صحفي بجريده الدستــور

الرسالة الحادية والعشرون - - - > .. محبتنيش ..

إنت محبتنيش .. محستنيش
لو كنت حبتني .. كنت مسبتنيش
لو كنت حستني .. كنت منستنيش

لو كنت حبتني كنت فهمت إني لما بقولك هبعد
بيبقى قصدي خدني في حضنك متسبنيش
لو كنت حستني كنت عرفت ان قسوتي اللي انت شايفها
ببقى مستنيه منها اشوف حنيتك .. احس انك باقي عليا وبجد منستنيش

بس انت محبتنيش
ومحستنيش

الرسالة العشرون - - - > .. لمــــا تحس ..

لما تحس انك محتاج حد يشبك ايده في ايدك .. وانت العالم كله واقف ضدك

لما تحس انك محتاج حد يشوف الدمعه في عينك .. قبل ما تنزل تلمس خدك

لما تحس ان انت في عالم قاسي عليك

لما تحس بغربه وتبكي بدمع عنيك

لما تحس بوحده وكل الناس حواليك

لينا رب اسمه الكريـــــــــــم .. هو اللي بينا عليـــــــــــم

هو اللي أحن علينا مننــــا .. هو اللي بيحس بينا بضعفنا

يـــــــــــــارب

الرسالة التاسعة عشر - - - > .. رجــــــاء ..

رجـــــــــــــــــاءً
دعونــــــــــي وشأنـــــــي

الرسالة الثامنة عشر - - - > .. غبيــــــة بلهــــــــاء ..

غبيــــة بلهــــــاء
نعم
أنـــــــا

غبية بلهاء
عندما قررت الانتظار كنت غبية بلهاء
وعندما قررت أن أحافظ على كل شئ باعماقي إليك
كنت غبية بلهاء
وعندما تركتني وتخيلت أنك ستعود يوما
كنت غبية بلهاء
عندما أقنعت ذاتي أنك لي برغم كل شئ
برغم البعد والمسافات والأيام التي تمر وتمر وتمر
دون أن تأتي
كنت أنا غبية بلهاء
وعندما قلت لذاتي أنك مازلت تحمل بأعماقك ما أحمله لك بأعماقي
كنت حقا غبية بلهاء
وعندما جاء أشخاص آخرون يطرقون بابي ولم أفتح لهم باب قلبي
لأنك كنت بداخله وكنت أود الاحتفاظ بك بأعماقه
كنت غبية بلهاء
وعندما أحببتك بصدق ومنحتك أيامي ودقات قلبي وكل حياتي وكياني
كنت غبية بلهاء

وكنت غبية بلهاء عندما لم أتصور يوما أنك عشقت غيري
فأنت عشقت غيري

وكنت غبية بلهاء عندما انتظرتك شهورا طويله
فانت لم تنتظرني

وكنت غبية بلهاء عندما اضطربت دقات قلبي خوفا عليك
فأنت لم تخاف عليَّ

وكنت غبية بلهاء عندما قالوا لي مرارا أنك لن تعود
وكنت أكذبهم واصدق إحساسي الخائن
فأنت لم ولن تعود بعد اليوم

وأنا
لا أريدك أن تعود بعد اليوم
لقد انتهى كل شئ لك داخل أعماقي
بوجودها داخل أعماقك

كنت غبية حقا بلهاء
عندما تخيلت أنك لن تنساني
وأنني كنت حالة عشق ستدوم طوال ما حييت
وأنني كنت أصدق قلب ملكته يوما
وأنني حبك الوحيد الحقيقي
وانني أفضل من عرفت من النساء

كنت غبية بلهاء
عندما مرت شهور تخطت العام وأوشكت أن تقارب العامين
ومازال قلبي ينبض بحروف اسمك
حقا كان ذلك غباء

في هذه اللحظة فقط
أدرك حقا وصدقا
أنني كنت غبية وبلهاء

أنــــــــا كنـــــــــــــت غبيــــــــــــــــــــــة بلهـــــــــــــــــــــــــاء

الرسالة السابعة عشر - - - > .. The END ..

الرسالة السادسة عشر - - - > .. خــــــــلاص ..

انك تقول خلاص اصعب حاجة فى حياتك انك تقول خلاص انك تقرر النهاية لاجمل صفحة اتفتحت فى حياتك و تاخد خط تحدد بيه نهاية...المفروض يبقى خط و تنزل فى سطر جديد...بس ايدك مش بتقدر تجر الخط

ده...لا عقلك ولا قلبك بيطاوعوك...كل كيانك و كلك كده مش قادر تقرر...مع
انك عارف ايه الصح بتقول يمكن مش ده الصح...يمكن الظروف تتغير...و تفضل
تعافر مع نفسك...بين ادراكك للحقيقة و بين تصديقك ليها...و توصل لدرجة انك
توقف ادراكك و حسك و تفكيرك...و تتوقف الحياة كلها جواك مع استمرارك فى ممارسة الحياة اللى المفروض تعملها...تصحى و تنام...تنزل الشوارع,,,تروح نادى..تروح الكلية و تقابل ناس و تتكلم معاهم..تضحك و تهزر و تفرح و تتنطط.....مع كل ده...جوااك...متوقف عن العمل...ثابت..جامد..لا شئ يتغير مع الوقت....نفس الرفض للحقيقة...نفس العالم اللى بتوه فيه و انت داير بين
اه و لأ بيتترددوا فى قلبك و عقلك الف مرة كل ماتفكر...الواقع و الاحلام
بيصطدموا سوا..صدمة قوية بتعمل صوت فرقعة...فرقعة كف اخدته على وشك عشان
تفوق قبل ماتغرق فى الحلم للنهاية.....و حتى بعد الالم اللى خدته
بتعافر..بتفلفص عالاخر...بترفض اى فكرة ممكن توصلك انك تاخد قرار النهاية..انك تجر خط و تقفل صفحة...و مع الوقت...تخور قواك...مش من ضعف
ولا ارهاق...ده من ادراك للواقع و استيعاب للموقف بشكل اوسع...و حبة حبة
تبدأ تسلم و انت لسه مش مصدق...يضيق صدرك...تقابل الناس و و انت مبتسم...و تسكت شوية...و تروح الابتسامة ..تمسحها الحقيقة....تجر رجلك و انت ماشى...ترجع بيتك و تحس انك وحيد اكتر مما كنت وحيد بين الناس...تيجى تكتب ايدك ماتقدرشى...ماتتصلشى بحد فى التليفون ولا ترد على حد....تبدأ من جواك
تدوخ و راسك تلف من حاجات كتيرة...الم و ندم و خسارة و فكرة الصح و الغلط
و الاه واللأ و موقف الرجولة و ازاى تيجى على
نفسك.....ماتقدرشى...تنام...و تنام...تصحى من نومك مش عارف نمت قد ايه ولا
ازاى...تاكل او ماتكلشى مش فارقة....لحد ما و انت قاعد عالشات و وانت
بتكلم صحابك يجى واحد منهم قريب منك و عارف سرك...يسألك هاتعمل
ايه...هاتبعد و الا هاتكمل ولا ايه....تيجى تكتب مش عارف او لسة
ماقررتش... تلاقى نفسك مش مطاوعاك...تكتشف انك خلاص بتنازع و حبك بيلفظ
انفاسه الاخيرة...يتوقف قلبك و عقلك...تحس انك مسلوب الارادة..مفيش طاقة
ولا قدرة....وتلاقى نفسك بتقول لصاحبك....انا باطلع فى الروح...و النغمات
ويا كلمات عمر الزمن لمنير و انت بتسمعها تتملكك...تكتب اصعب حاجة يا
صاحبى انك تقرر البعد...انك تقول خلاص...و من غير ماتلحق تمسك نفسك...تنزل دمعة من عينك كنت ماسكها بقالك كتييير...و وراها دمعة تانية....و كام دمعة تانية و تقول خلاص انا مدرك تمام الادراك...انا متأكد ايه اللى المفروض
يحصل....و تلاقى من تانى كلمة مش عارف ظهرت...مش عارف هاقول كلمة خلاص دى
ازاى....مش عارف بعدها هاعمل ايه...مش عارف هاكمل ازاى...و تزيد نغمات
الموسيقى و ترتفع...و تنزل دمعة اخرى من عينك...ولا تعرف اذا كنت تتمنى ان
تدمع عينك ثانية و كثيرا...ام تتمنى ان تكون هذه اخر الدموع...و تظل ساكنا
لا تتحرك لا تسمع دقات قلبك و لا تشعر الا بالبرود فى جسدك..

معتز زكى

الرسالة الخامسة عشر - - - > .. I MiSs U ..

الرسالة الرابعة عشر - - - > طـمـوحــــــي

وطموحي ...
هو أن أمشي ساعاتٍ.. وساعاتٍ معكْ.
تحت موسيقى المطر..

وطموحي ...
هو أن أسمع في الهاتف صوتكْ..
عندما يسكنني الحزن ...
ويبكيني الضجر..

سعـــــاد الصبــــاح

الرسالة الثالثة عشر - - - > 25 عــــــام

ها هو عامي الخامس والعشرون
يطل برأسه على أيامي وحياتي

و في بداية كل عام

أدخل في حالة مؤلمة من الحنين إليك

فأغمض عيني كي أعيد الزمان الى الوراء

وأُسافر فوق أجنحة الخيال إليك

لكن في هذا العام

افتقدت وجودك في قلبي

وافتقدت إحساسي بالحنين الجميل إليك