وحشتني ومحتجالك
ولما اقولك وحشتني
يبقى وحشني صوتك
وحشتني ملامحك .. بسمتك
وحشني احساسي إني جوه حضنك
وحشتني دقات قلبك .. ضحكتك
وحشني حنانك
وحشتني ومحتجالك
ولما اقولك محتجالك
أبقى محتاجه الأمان
محتاجه انك تضمني بحنان
محتاجه احس انك معايا مهما بعدنا الزمان
محتاجه استخبى جوه حضنك .. يدفيني
يقويني على الأيام
محتاجه أبكي وابكي ودموعي تنزل جوه قلبك
تحسها .. وتحسني
وتضمني
محتاجه أحس بلمس ايدك فوق خدودي
محتاجه تاخد ايدي في حضن ايدك
وتعدي كــــل حدودي
محتاجه احس انك فاهمني
إنك قاريني
وتحط كل نقطي الضايعه فوق حروفي
وحشتني ومحتجالك