13‏/07‏/2012

اتنين

بقلمـ Śђąžล ฬąђ٤єĐ ♥ في 7/13/2012 12:00:00 ص
قول رأيك 
جوايا اتنين


( أنا ) و ( أنا )


أنا ... تقول نفسي أكون حره
من جوه مش بس من بره

نفسي أكسر كل قيودي اللي مكتفاني
وأخرج بره سكوتي اللي نساني كلامي
نفسي أعيش واقدر اتحداني
أخرج بره حزني و صمتي و وحدتي
واعدي كل حدودي اللي جوايا حبساني

حدودي اللي خايفه أعديها لاتوه مني
مع اني بموت كل يوم جواها قصاد مني

حدودي اللي رسمِتها ( أنا )
ولفت حبلها حولين رقبتي
وعلت في سورها وخلتني رهينتي
وازاي تكون نفسي سجني وسجاني

( أنا ) عملت فيا ( أنا ) كده
طب ليه كده

ليه يا ( أنا ) معذباني ... ووجعاني ... ومحيراني
وكل ما اجي امشي خطوه ترجعيني ألف خطوه
وكل ما انوي اخرج بره منك
عشان اعيش الحياه ... الاقيكي مكتفاني
وكل ما افكر اعدي حدودك وبحورك واهد سورك
تهديني وتهزميني وتكسري جوايا اللي باقي مني

ليه يا ( أنا )

حبساني جوه اتنين
مش عارفه اكون انا مين

افضل ( أنا ) ولا ( أنا )
ولا اكون ~ أنا ~ جديده غير الاتنين

15 رسائلكمـ:

مصطفى سيف الدين يقول...

الله عليكِ يا شذا بحب النوعية دي من التدوينات
حديث نفس و معاتبة و حوار لذيذ
و على فكرة هي (انا )جديدة غير الاتنين عبارة عن مزج بين الاتنين في صراع انا الحمراء و انا الزرقاء تكون انا مختلفة تتحلى بلون آخر هو (انا ) الحقيقية
تحياتي لكِ

ريـــمـــاس يقول...

صباح الغاردينيا شذى
خارج أنتِ تتوهين عنكِ
دائماً محاولاتنا للخروج من الذات تعود لتقيدنا بسياج أصعب لذلك نحنُ نستسلم لذلك السجن مرغمين مقيدين "
؛؛
؛
وأنا سجنت نفسي بين حروفك برغبة ملحة :)
رائعة
لروحك عبق الغاردينيا
كانت هنا
Reemaas

Deyaa Ezzat يقول...

من نوعية الكتابة المختلفة اللي بتحاولي تكسري بيها رتمك المالوف

بحب كدة أنا ^_^

اتكلمتي في موضوع فلسفي يطول الكلام فيه.. بلكمات بسيطة تصيب الهدف بعمق وبإحساس .. ودي تركيبة مش سهلة أكيد إلا على حد له موهبتك

تسلم إيدك

Śђąžล ฬąђ٤єĐ ♥ يقول...

الوصول ليها صعب جدا يا مصطفى
انك تاخد احلى ما في الاتنين

وتقدر تكون انا جديده مميزه جميله وتقدر تحافظ عليها بلونها ونقائها ونضارتها

أعتقد إنه شئ من المستحيل
بس الأمل واستمرار المحاولات
ممكن يوصل لنتيجه مقبوله

سعيده بوجودك دايما بجد
^_^

سندباد يقول...

جوانا اتنين انا وانا ودائما في صراع
احوار رائع وكلمات موجعة
تحياتي لقلمك الذي يزداد نضجا يوما بعد يوم
احسنتي للغاية

Deyaa Ezzat يقول...

*كلمات .. لكمات إيه بس D:

Śђąžล ฬąђ٤єĐ ♥ يقول...

ريماس الرائعه ..

أحيانا الخروج من أنت يصبح ضروره
وبرغم الضياع بعيدا عنها
إلا أننا من الممكن أن نصل إليها مرة أخرى وهي أفضل وأجمل وانقى
ولكنها القيود كما ذكرت تسجننا داخل ذواتنا بكل ما تحمله من عيوب وتشوهات

وجودك هو الأروع دوما
سعيده بك وبه ^_^

Śђąžล ฬąђ٤єĐ ♥ يقول...

ضياء ..

ههههههه ولا يهمك خالص موضوع التصحيح ده
انا فاهمه طبعا انها كلمات مش لكمات :)

وبعدين مفيش موهبه اساسا ولا اي حاجه
دي شوية شخابيط كده بيني وبين نفسويتي
وقلت ادوشكوا معايا :)

وجودك وتعليقاتك مثريه
دمت ها هنا ^_^

Śђąžล ฬąђ٤єĐ ♥ يقول...

سندباد ..

صراع بين أنا وأنا
صراع أبدي لا ينتهي

وكل منا يخبئ بأعماقه أنا أخرى
أنا مختلفه يتمنى أن يكونها
أو أنا تؤلمه يتمنى التخلص منها

لوجودك دايما اضافه
شكرا ليك بجد ولوجودك هنا :)

Aya Mohamed يقول...

خليكى زى ما انتى
علشان انتى كدا جميلة جدا جدا
حبى نفسك زى ما هى خليها دايما تقول كل اللى جواها
علشان كل ما بتقول اكتر بتبدع اكتر واكتر
ربنا يوفقك يا حبيبتى يارب :) <3

Bent Men ElZman Da !! يقول...

كلنا جوانا نفس الانا والانا اللى بيختلفوا دايماً فى الرأى والاسلوب وحتى القوه
بس اللى لازم نعمله
ان الانا اللى بتشجعنا دايما نكون احسن واقوى هى اللى تفضل
ماينفعش الاضعف جوانا يكسب :)
ربنا يبعد عنك اى حاجه وحشه يا حبيبتى :)

Śђąžล ฬąђ٤єĐ ♥ يقول...

آيه ..

المهم يكون الواحد شايف نفسه من جوه جميل
مش مهم ابدا من بره شكله ايه
صحيح مهم الشكل في عيون الناس
بس الاهم شكلنا قدام نفسنا

ربنا يخليكي يا آيه
من بعض ما عندكم ^_^

Śђąžล ฬąђ٤єĐ ♥ يقول...

دينا ..

صح لازم اللي مليانه أمل وقوه وتفاؤل هي اللي تغلب
ربنا يخليكي يا دينا ويبعد عنك انتي كمان كل حاجه وحشه ويفرحك يارب
^_^

ظلالي البيضاء يقول...

شذا .. شذا .. شذا
شذا الأولى للأنا الأولى ..
شذا الثانية للأنا الثالثة ..
شذا الثالثة للأنا الثانية ..
أنا عاوز ألخبطها كده .. هههههه
جميلة .. جميلة .. جميلة ..
جميلة الأولى للأنا الأولى ..
جميلة الثالثة للأنا الأولى برده ..
وجميلة الثانية .. مفهومة .. للأنا الاولى كذلك ..
حقيقةً أخرج أحياناً من سجن أنا وأفكر بعيداً عنها ..
لكنني لا بد أن أعود لسجنها ..
لكنني أفكر بي من خارجي ..

شوية كدهو تقولي عني الراجل اتجنن .. ههههه
والله الحياة تخلي الواحد يتجنن بجد ..

دمت بألف خير أختي شذا المحبوسة في شذا الأخرى ..

Śђąžล ฬąђ٤єĐ ♥ يقول...

ههههههههه
ربنا يبعد عنك الجنان أبو أسامه
ويحفظك دايما

وللأسف الحبس إجباري
مهما خرجنا منه بنرجعله تاني

سعيده جدا بتعليقك
واسعد بوجودك ^_^

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review