16‏/07‏/2012

وحشتني

بقلمـ Śђąžล ฬąђ٤єĐ ♥ في 7/16/2012 01:29:00 ص
قول رأيك 

وحشتني ومحتجالك

ولما اقولك وحشتني
يبقى وحشني صوتك
وحشتني ملامحك .. بسمتك
وحشني احساسي إني جوه حضنك
وحشتني دقات قلبك .. ضحكتك
وحشني حنانك

وحشتني ومحتجالك

ولما اقولك محتجالك
أبقى محتاجه الأمان
محتاجه انك تضمني بحنان
محتاجه احس انك معايا مهما بعدنا الزمان
محتاجه استخبى جوه حضنك .. يدفيني
يقويني على الأيام
محتاجه أبكي وابكي ودموعي تنزل جوه قلبك
تحسها .. وتحسني
وتضمني

محتاجه أحس بلمس ايدك فوق خدودي
محتاجه تاخد ايدي في حضن ايدك
وتعدي كــــل حدودي

محتاجه احس انك فاهمني
إنك قاريني
وتحط كل نقطي الضايعه فوق حروفي

وحشتني ومحتجالك

14 رسائلكمـ:

re7ab.sale7 يقول...

وكل واحد فينا كلمة واحشني بتكون مختلفة
وبتكون محسوسة بشكل تاني
مساءك بنفسج
جميلة كالعادة كلماتك

Śђąžล ฬąђ٤єĐ ♥ يقول...

مسائك ياسمين رحاب :)
وحشتني مش لازم تكون كلمه
ممكن تكون نظره
وممكن تكون احساس صامت مش قار يخرج من جوانا

انتي أجمل بجد
منوراني جدا جدا جدا ^_^

Bent Men ElZman Da !! يقول...

نادرا لما بتتقال الكلمه دى بصوره مباشره
بس لما بتتقال "محتجالك" بتبقى محتاجه حاجات كتير اووووى اكبر حتى من الكلمه دى نفسها

جميله انتى فى كل حالاتك ^_^

Hanan w Haneen يقول...

مممممم هو انا ليه شايفة الكلام خطوط بس :((

بصي حتى التعليقات


Bent Men ElZman Da !! يقول...
---

مصطفى سيف الدين يقول...

وحشتني و محتاجاك لأني حتة منك مينفعش اعيش غير بيك
جميلة اوي اوي يا شذا
فوق الرائعة
ابدعتي

ريـــمـــاس يقول...

صباح الغاردينيا شذى
وحشتني ..
وماأصعب سير الشوق في العروق
ويبقى للإشتياق لذة لايدركها سوى العشاق "
؛؛
؛
مبدعة ياشذى
روح عبق الغاردينيا
كانت هنا
reemaas

Deyaa Ezzat يقول...

مممممممم
زي ماتكوني محتاجة تقولي هنا اللي مابتقوليهوش (أو اللي ماقولتيهوش) في الحقيقة :)

عجبني الاجمال في العنوان تلاه تفصيل ف المحتوى

بالتوفيق يا شذى دايما

rona ali يقول...

والحب بساطه وتعبيرات لن يشعر بها الا المحتاج

تسلم ايدك يا شذا انتى فعلا اكتشاف الحمله دى :)

سندباد يقول...

الحنين والاشتياق من اصعب المشاعر اللي ممكن نحس بيها خاصة اذا كان من نشتاق ونحن له غير مهتم
تحياتي لقلمك الراقي

Angie يقول...

كلمات لا يشعر بها إلّا من يشتاق لشخص ما و يفتقد وجوده في حياته ... حلو أوي بجد

غير معرف يقول...

فعلا وحشتنى ومحتجالك
تحفة اوى يا شوشو

غير معرف يقول...

ربنا يااااارب يقرب المسافات ويبقى كله تمام التمام . يااااااارب. جميله يا مريوماا

منجي بـــــــــــــاكير يقول...

/ الزّمن الجميل فضاء للإستراحة من عناءات السّفر في الأيام تدعوك لتصفّح ورقاتها و ترك بصماتك ، شكرا لجميل التفاعل

ظلالي البيضاء يقول...

تشتاق أسماعنا لأقلامكم النقية ..
كوني بألف خير .. مع التحية الطيبة ..

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review