04‏/07‏/2012

متردده

بقلمـ Śђąžล ฬąђ٤єĐ ♥ في 7/04/2012 12:58:00 ص
قول رأيك 
متردده جدا في مشاركتي النهارده 
وكان نفسي يكون معايا وقت أكتر عشان أكتب براحتي عن نفسي وعن التدوين 
بس للأسف ظروفي لا تسمح :(

ما علينا :) .. آدي الإجابات عشان خاطرك يا آيه ^_^

___________________________



1/ عرف نفسك ؟

شذا وحيد
مجرد اسمـ لا تعني معرفته معرفتي
فالمعرفة معرفة قلوب وعقول وأفكار وتفاصيل وملامح شخصيه

2/ ما أكثر ما يميز شخصيتك ؟

الصراحه المبالغ بها أحيانا - الحساسية المفرطه - الواقعيه - الهدوء

3/ ما هى اهم نقطة تحول فى حياتك ؟

نقطة سوداء سكنت قلبي رغما عني
كسرتني و سلبتني من ذاتي وعادت بي امرأة أخرى
امرأة .. لم أتمكن من رؤية ملامحها بوضوح
ولا يسعني لمس تفاصيلها الصغيره
امرأة غريبه بعيده مختلفه
أحاول التعايش معها ولكن ..
نبقى دائما في صراع لا ينتهي 

4/ كيف دخلت الى عالم التدوين ؟

بداية الكتابه كانت من خلال منتدى جمعني بأصدقاء مميزين
بمرور الوقت اختفى المنتدى وبقينا نحن
( بنت من الزمن ده  *دينا ممدوح* - ولأنني أجمل بك *مي جمال*- شئ سيبقى بيننا *آيه محمد*)
لم يكن التدوين بالنسبه لي أكثر من مساحه للبوح بما أحمله في أعماقي
مساحة حريه لأكون أنا كما أريد أن أكون
المدونه بالنسبة لي مكاني الخاص
لي وحدي .. تشبهني
أتنفس بها حروف وكلمات
لأشعر بالإرتياح

5/ ما اسم مدونتك ولماذا اخترته ؟

رسائل خاصه جدا
اخترته لأنها رسائل قلبيه صادقه وخاصه جدا

6/ صف مدونتك ؟

كلمات متواضعه ..
كتبت حروفها باحساسي
فهي نبضات من قلبي
وترجمه لكل ما يجول بخاطري
وانفاسي الوحيده التي تمنحني الحياه

7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟

من داخل عالم التدوين .. لم أتعرف على الكثير من المدونين إلا من خلال الحمله
مستمتعه جدا بمتابعة الكثير من المدونات
وسعيده جدا بالتعرف على الكثير من الأقلام المميزه

أما بعيدا عن عالم التدوين .. فتأثرت بالكثيرين من خلال القراءة لهم
وبشكل خاص جدا تأثرت بحروف شهرزاد الخليج
شعرت أنها تكتبني .. تلمس مشاعري بوجع .. تبكيني وتنزفني .

وغيرها العديد من الكتاب والشعراء
أحلام مستغانمي ، أحمد خالد توفيق ، أنيس منصور ، يوسف زيدان ، مصطفى محمود
غاده السمان ، درويش ، دنقل ، صلاح عبد الصبور ، سيد حجاب ، وغيرهم


  
8/ ما هى طقوسك الخاصة عند الكتابة ؟

لا أملك طقوسا خاصه
مجرد ورقه وقلمي الرصاص المفضل
وإحساس لم يعد بإمكاني الاحتفاظ به أكثر
فيبوح به القلم.

9/ ما هو الاسلوب المفضل لديك فى التدوين ؟

إن كان المقصود عن الشعر أو الخواطر أو القصص أو المقال أو ما إلى ذلك
فـ الخاطره هي الأفضل على الاطلاق
أشعر معها بحريه , كلمات بلا قيود .


10/ فى رأيك ما أهم ما يميز تدويناتك ؟

لا أملك الإجابه
من يقرأ كلماتي هو وحده من يجيب

11/ ما هو تقيمك لعالم التدوين فى الفترة الاخيرة ؟

لم أكن متابعه جيده للمدونات وعالم التدوين قبل الحمله
ولكن من خلال الحمله أجده عالما مميزا جدا وخاصا جدا
به العديد من الأقلام المميزه المختلفه ومحاولات جاده للابداع

12/ اختر اقرب تدويناتك الى نفسك وضع رابطها وحدثنا عنها ؟

غيبوبه

صورتي من الداخل
تفاصيلي الصغيره
أعماق أعماقي
أنا بـ اختصار

13/ استعرض اهم المواقف الغريبة او الطريفة التى صادفتك مع التدوين ؟

لا يوجد

14/ هل أحدث التدوين تأثيرا عليك ؟ وكيف ؟

بالتأكيد .. أعطاني مساحه للحريه
لأتنفس هواء نقيا .. ولأجدني
ومع استمرار الكتابه تصبح القدره على التعبير أدق واعمق
ورسم المشاعر يصبح أوضح واصدق
^_^

26 رسائلكمـ:

سندباد يقول...

سعيد بالحملة المرادي عشان اتعرفت علي مجموعة رائعة واستفدت جدا جدا بالحاجات الجميلة اللي بتتكتب
جميل البوست وجميل الشرح والتعريف
ربنا يزيدك موهبة ان شاء الله
سعيد بمعرفتك

re7ab.sale7 يقول...

مساء البنفسج
اختصرت اووي
وكتبت عن اشياء بداخلك نجهلها
ففكرنا ان ندخل لنعرف
واضح انك حساسة اووي ومش عايزة تكلم عنك
بس برضه حابة اعرفك

ظلالي البيضاء يقول...

يبدو أن الكثيرين في عالم التدوين يشتركون بالكثير من الأشياء ..
دمت بكل الخير ..
مع التحية الطيبة ..

Śђąžล ฬąђ٤єĐ ♥ يقول...

سندباد ..

أول مره أشارك في الحمله وبتمنى بجد متكونش الأخيره وانها متكونش حمله شهر واحد في السنه وتكون شهريه او اسبوعيه

وسعيده جدا بمعرفتي بيك
ودايما وجودك بيضيف شئ مميز

ربنا يوفقك دايما ويفرحك ^_^

Śђąžล ฬąђ٤єĐ ♥ يقول...

رحاب ..
صباح البنفسج :)

نعم حساسه وكتومه بعض الشئ
ولكن يسعدني جدا التعرف بالآخرين
خاصة عندما يكون بيننا شئ مشترك

بيننا ورقه وقلم واحاسيس ومشاعر وافكار نتبادلها جميعا

يسعدني التعرف إليك بكل تأكيد وبكل حب ^_^

Śђąžล ฬąђ٤єĐ ♥ يقول...

ظلالي البيضاء ..

يشتركون بالكثير من الأشياء بالفعل

فكل من يلجأ للورقه والقلم والكتابه
له طابع خاص ويسكنه هدوء وجنون متناقضين

سعيده بتواجدك وبمعرفتك
وأتمنى لك كل خير وراحة بال ^_^

Aya Mohamed يقول...

شوشو ميرسى على انك جاوبتى ده اولا
ثانيا بقى انا فرحانة بيكى جدا
وانتى من اكتر الشخصيات اللى كنت مقتنعه ان
عندها موهبة وتستاهل توصل للناس
وقولتلك ده فى حملة التدوين اللى فاتت ومش اشتركتى فيها
فانا فرحانة جدا انك اشتركتى المرة دى
ربنا يوفقك يا حبيبتى يارب وتحققى كل اللى تتمنيه ان شاء الله

مصطفى سيف الدين يقول...

انا سعيد جدا يا شذا بحملات التدوين دايما بنتعرف بيها على بعض اكتر و على مدونين في منتهى الجمالو الابداع كل سنة بتزيد حصيلتي من الاصدقاء
و السنادي شرفت بمعرفتي بي مدونة راقية جدا تعرف مقومات القلم هو انتِ
عجبتني اجاباتك التلقائية اللي بتنم عن شخصيتك الرائعة
تحياتي ليكي

ريـــمـــاس يقول...

صباح الغاردينيا شذا
بجد مبسوطة بحملة التدوين الي عرفتني عليكي وعلى رسائلك الخاصة جداً والمميزة جداً بجد ياشذا بحب حرفك رغم أنه ساعات بحس بـ الألم والوجع مهما كان فيه شوية فرح وبقولك في الكومنت عكس كلامك عشان بحاول يكون حرفي طبطبه صغننه على قد ماقدر ساعات ببقى واقفه عاوزة اقولك كلاك كتير هههه لكن مش حكدب للآمانة بجري جري من مدونة لتانية مش بلحق على تدوينات حبايبي ومش بحب ازعل حد عشان كدا نفسي اقولك بجد سوري لان رسائلك الخاصة تستاهل وقفة لجمالها وربنا يوفقك وتشوفي مساحة بيضاء في حياتك تنسيكي النقطة الي فاتت :) "
؛؛
؛
لروحك عبق لغاردينيا
كانت هنا
reemaas

Deyaa Ezzat يقول...

مبسوط إني اتعرفت عليكي أكتر

rona ali يقول...

جميله يا شذا جدااااا

من الداخل والخارج صدقينى حتى ولو وجد بعض الكسر
الصراحه احب شئ الي فهنيئا لكى بها

ذكرتى تلت شخصيات جمال ايضا اسعد جدا بمعرفتهم هما الثلاثه وان كانت آيه ودينا اقرب اكثثثر بكثير :)

بجد استمتعت باجاباتك البسيطه :)))
واعتقد السؤال اللى تركتي لينا
ان اهم ما يميز تدويناتك واقعيتها ولانها جزء منك فاستطعتى ان تنسجى كل مرة ببراعه :)

richardCatheart يقول...

ولكى من الشذى اجملة ربنا يحميكى انت قلم جميل واحساس جميل ولسة اؤدامك كتير تعرفية وتحسية وقلمك يعبر عنه حقيقى سعيدة بقرأتى القليلة ليكى قليلة انما ممتعة وان شاء الله فى تواصل مستمر :)

Menna يقول...

مش بقولك ديما بلاقي نفسي عندك
شئ من الالم... شئ من الحساسية... الكثير من المشاعر الجميلة و الرقة
يذوبون معا ليصنعوا اعماق شذى الجميلة
كل اللي قريته النهاردة اسعدني
الاكي لم افرح و لم احزن و لكني شعرت بكلامك يمس قلبي
تحياتي دائما لكي
يا ارق اصدقاء السطور

private notes يقول...

حلو كتير شذى
دائما تبهرينى
و دائماً أبحث عنك ♥

Bent Men ElZman Da !! يقول...

مش عارفه اقولك انا مبسوطه بيكى ازاى :))
مبسوطه انك على الاقل رجعتى تكتبى هنا تانى
لان كلامك يستحق انه يتشاف ويتقرى اكتر من مره
مبسوطه اكتر انك كنتى من ضمن الناس اللى مرت فى حياتى وسابت فيها اثر جميل اوى يشبهك :))

Śђąžล ฬąђ٤єĐ ♥ يقول...

آيه ..

لا ميرسي على واجب بقى ^_^
بجد انا كمان فرحانه ومبسوطه جدا بنفسي لأني لقيت بعض منها بوجودي في الحمله دي وبوجودكم ومشاركتكم ليا
يارب يا آيه يوفقنا كلنا ويفرحنا كلنا بجد
تسلميلي يا حبيبتي ^_^

Śђąžล ฬąђ٤єĐ ♥ يقول...

مصطفى ..

أنا أسعد بجد بمشاركتي السنه دي معاكم حسيت بفرق كبير جدا وسعاده مميزه بجد
والشرف ليا بجد يا مصطفى ورأيك يفرق معايا كتير جدا وسعيده بيه مش قادره اقولك قد ايه

شكرا لذوقك ومتابعتك ودعمك وتشجيعك
شكرا لتواجدك هنا ^_^

Śђąžล ฬąђ٤єĐ ♥ يقول...

ريماس الرائعه ..

برغم جمال الحمله والمشاركات إلا أن كثرة عدد المشاركين للأسف جعلنا لا نتابع جيدا بعض الأقلام المميزه
ربما لضيق في الوقت أو صعوبة الوصول للجميع

سعادتي بيكي مختلفه جدا
لأن مجرد وجودك بيمنحني أمل وابتسامه لطيفه جدا أجدها ترتسم فوق شفتي دون أن أشعر
وجودك الدائم وتشجيعك حافز قوي جدا ودعم ربما لا تدركين مداه

ربنا يوفقك انتي كمان ويفرحك دايما يارب ^_^

تحيات مفعمه بعبق الغاردينيا الذي تعشقين

Śђąžล ฬąђ٤єĐ ♥ يقول...

ضياء ..
أنا أسعد جدا بيك وبوجودك الدائم ودعمك المستمر
دمت بود ^_^

Śђąžล ฬąђ٤єĐ ♥ يقول...

رونا ..

أنت أجمل بكثير
ولكن الصراحه أحيانا تكون سلاح ذو حدين
وأحيان اخرى تكون مؤلمه وموجعه
وأحيان أخرى تكون مرفوضه رغم واقعيتها وصدقها

سعيده جدا برأيك ووجودك وتشجيعك
دمت مميزه :)

Śђąžล ฬąђ٤єĐ ♥ يقول...

قلب القطه ..

كلماتك اخجلت تواضعي :$
وحروفي عاجزه عن البوح بمدى سعادتي
شكرا لتلك الكلمات المميزه
وشكرا لتشجيعك ودعمك

ولك أرق التحيه :)

Śђąžล ฬąђ٤єĐ ♥ يقول...

منه ..

حقيقي بجد مش عارفه اقول ايه بعد كلامك
وزي ما قولتلك بحس اوي ان فيا حاجه منك او العكس
سعيده بمعرفتك جدا يا منه
وعجبني جدا تشبيه أصدقاء السطور
واقعي جدا وصائب جدا جدا
وإن كان للسطور أصدقاء فأنت الجمل بينهم :)
دمت مميزه ^_^

Śђąžล ฬąђ٤єĐ ♥ يقول...

برايفت ..

كلماتك مختصره جدا ولكنها اسعدتني جدا
ولعل بحثك عني يصل بك في نهاية الأمر إلى شئ مميز
اتمنى ذلك
كما أتمنى تواجدك دائما بين حروفي
دمت بود :)

Śђąžล ฬąђ٤єĐ ♥ يقول...

دينا ..

صدقيني يا دينا انا كمان مبسوطه جدا
وحقيقي الفضل يرجعلك
لولا اهتمامك و تشجيعك مكنتش اشتركت ولا كنت حسيت بكل اللي انا حساه دلوقتي

ومش قادره اقولك قد ايه مبسوطه بكلامك اني أثرت في حياتك
دي حاجه كبيره عندي اوي بجد
ربنا يخليكي يا دودو ويفرحك دايما لأنك تستحقي
^_^

Hanan w Haneen يقول...

حتى اجاباتك واسلوبها امتعنى جدا" :))

Śђąžล ฬąђ٤єĐ ♥ يقول...

ربنا يخليكي يا نونا :)
تسلميلي و دايما منوراني ^_^

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review