05‏/07‏/2012

مين هنا

بقلمـ Śђąžล ฬąђ٤єĐ ♥ في 7/05/2012 01:29:00 ص
مين هنا يعرفني بجد
وقت الضحك ووقت الجد
ويعرف إن أنا اقدر اهد
مليون سور ومليون سد

مين هنا يعرف جوايا
يعرف شيخوختي وصبايا
يعرف افراحي واسايا
يعرف أحلامي ومنايا
ويقدر يفهم معنى غنايا

مين هنا يعرف احلامي
في الدنيا الواسعه النسياني
مين يعرف بيتنا وعنواني
في بطاقة قلب اللي رماني
مين اللي شاركني في احزاني
في أيامي الضلمه الملياني
أسئله جرحاني ووجعاني

مين

طب مين هنا وقت الشده بيكون موجود
مين وقت ما قلبي بيصرخ آه بيسمع قلبه الصوت
مين وقت ما تهرب مني الدمعه ياخدني في حضنه
ويصرخ فيا أنا موجود

مين .. مين فاهمـ .. حاسس .. قاري .. وعارف
كل كلامي .. حتى لو كل كلامي سكوت

مين

مين وقت ما بغرق جوه احزاني
بيمد ايده وينتشلني

مين وقت ما الف ايد تتمد تقتلني
يحوش عني

مين وقت ما كل الناس توجعني تخذلني
يفضل قصاد مني .. حاميني وحاضني

مين


مين هنا
مين يقدر يقول ( أنـــا ) ؟!!..


مشاركتي في كتاب علبة ألوان :)

23 رسائلكمـ:

رحاب صالح يقول...

والله ....؟
جميلة بجد
انا شاركت بقصتين ...رومانسيتين
مبسوطة انك هتكوني معايا ومستنية اليوم الي هنتعرف بيه علي بعض بشوق

Śђąžล ฬąђ٤єĐ ♥ يقول...

انتي أجمل يا رحاب :)
وأنا كمان مبسوطه بجد بمعرفة ناس كتير
وبمشاركتي في حملة التدوين وفي الكتاب وفي المجله كمان ان شاء الله

وان شاء الله نتقابل ونتعرف ونكون أصدقاء :)
نورتيني بجد ^_^

Bent Men ElZman Da !! يقول...

بحب اوووى التدوينه دى
بتوصف حاله ببساطه و رُقَى فى نفس الوقت
ربنا يسهل بقى والكتاب يظهر للنور ان شاء الله :))

Unknown يقول...

روووعه بجد تسلم ايدك مستني كل جديد

Śђąžล ฬąђ٤єĐ ♥ يقول...

دينا ..
هي كمان بتحبك اوي :)
يارب ان شاء الله ويكون مميز بالناس اللي مشتركه فيه
تسلميلي يا دودو :)

Śђąžล ฬąђ٤єĐ ♥ يقول...

أ شريف
ربنا يخليك من ذوقك
ومستنياك دايما تنورني :)

Tamer Nabil Moussa يقول...

بوست مميز
تسلم ايدك
مع خالص تحياتى

Śђąžล ฬąђ٤єĐ ♥ يقول...

تامر ..
وجودك هو المميز :)
لك مثل تحيتك وأجمل :)

مصطفى سيف الدين يقول...

انا مشارك برضه في كتاب علبة الوان و سعيد انك معانا في الكتاب
على فكرة هاقولك سر انا صاحب اقتراح اسم علبة الوان :)
و مشاركتك جميلة كعادتك دايما يا شذا
تحياتي ليكِ

ظلالي البيضاء يقول...

شذا .. الطيبة ..
هل لاحظتي ما لاحظتُه أنا ؟؟
اثنان من المعلقين قالوا "أنا" لكن بطريقة مستورة .. ههههه
وبينما أكتب هذا التعليق اكتشفت أنهم أصبحوا ثلاثة .. هههههه
جميلة .. أسأل الله تعالى أن نجد دائماً لأحزاننا حضناً دافئاً يضمنا .. ويمسح عن أعيننا دموعنا ..

سندباد يقول...

اسلوبك رقيق حتي وانتي بتهد مليون سور ومليون سد
تحياتي لقلمك الراقي وبالتوفيق دايما ان شاء الله
نورتيني

Śђąžล ฬąђ٤єĐ ♥ يقول...

مصطفى ..

أنا أسعد بوجودك هنا وفي الكتاب وفي كتب تانيه كتير ان شاء الله

واسم علبة ألوان مميز بجد
فيه تنوع واختلاف وكل شخص ولونه المفضل

وجودك ودعمك أجمل
شكرا ليك جدا :)

ضياء عزت يقول...

حسيت فيها بلحظات قوة ولحظات ضعف.. بشوية يأس وحبة تفاؤل.. بفرح وحزن.. بثقة وبضياع

مش عارف بس حسيت إن دي شذى.. أو كتير منها :)

بالنسبة لسؤالك (مين).. فمهما حد قالك (أنا) ماتصديقهوش :).. محدش هتلاقيه في كل الحالات دي معاكي (فعلا)إلا انتي (نفسك)

والباب الوحيد المفتوح اللي هتلاقيه هو باب ربنا

عجبني تنوع اسلوبك زي ما قلتلك هناك &_&

Śђąžล ฬąђ٤єĐ ♥ يقول...

أبو أسامه ..

هههههه .. لا لم ألاحظ
لا يوجد أروع ولا أجمل من ذلك الحضن الدافئ عندما يسكننا الحزن والألم
وتلك اليد الحانيه التي تمتد لتمسح دموعنا برفق

وجودك هنا أجمل
فلا تحرمني إياه
تحياتي :)

Śђąžล ฬąђ٤єĐ ♥ يقول...

سندباد ..

ربنا يخليك
وكل الخير والفرح ليك يارب
متشكره جدا :)

Śђąžล ฬąђ٤єĐ ♥ يقول...

ضياء ..

كلنا جوانا كل المتناقضات
وعندك حق طبعا
محدش هيكون معايا في كل الحالات وكل الأوقات ويتقبل كل اللي بعيشه غيري أنا
ومحدش ممكن يستحملني أساسا غيري بردو (,'')

وربنا دايما كريم فوق ما نتخيل

يمكن مش كتير بنوع في الكتابه
واللي بكتبه ليه اسلوب معين
بس اوقات كده بحاول اخرج مني

ومبسوطه جدا انها عجبتك
منورني دايما :)

ظلالي البيضاء يقول...

على فكرة أختي شذا ..
كل المسافات بين الكلمات تبدو لي رقم 3 بدل المسافة ..
لعله نوع الخط الذي تستخدميه في تصميم مدونتك ..
ولا أدري هل أنا وحدي من تظهر له هذه المشكلة أم هناك غيري ؟؟
لئن كنت وحدي فحتماً المشكلة سببها نظامي أو حاسبي أو عيوني .. هههه

Śђąžล ฬąђ٤єĐ ♥ يقول...

لا أدري ابو أسامه

أشارت وجع البنفسج لنفس الشئ من قبل
ولكني حقا لا أدري هل هي مشكله لدى الجميع
أم مشكله خاصه في المتصفح

وسلامة عيونك من أي سوء
دمت بخير :)

maioya يقول...

محدش هنا ولاهناك :(

مبروك ياشوشو عقبال بقي
ماتعملي كتاب لوحدك :*

Śђąžล ฬąђ٤єĐ ♥ يقول...

ههههههه

بجد بجد انتي مخلياني أخاف أكتر ما أنا خايفه اساسا
بتديني كمية تفاؤل فظيعه فظيعه :D

ربنا يبارك فيكي يارب
وادعي بس انه يكمل بقا ان شاء الله
وربنا يسهل في اللي جاي :)

Hanan w Haneen يقول...

انا انا :D :D

Śђąžล ฬąђ٤єĐ ♥ يقول...

انتي انتي منوره ^_^

naimishochoa يقول...

Borgata Hotel Casino & Spa: Employee Reviews - KT Hub
Borgata Hotel Casino & Spa reviews and salaries posted anonymously by employees. 부천 출장마사지 Rating: 김해 출장마사지 3.6 · ‎3 reviews · 고양 출장안마 ‎Price range: 대전광역 출장마사지 $ (Based on Average Nightly Rates for a 구리 출장마사지 Standard Room from our Partners)

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review