الرسالة الثانية عشر - - - > حزينـــــــه

ايوه
حزينـــــــــه
برغم كل شئ حزينه
برغم ضحكتي برغم قوتي
وبرغم شكوتي اللي ما بيسمعها غيري
حزينـــــــه

برغم العيد برغم الفرحه الكدابه
و برغم محاوله فاشله لعدم الكآبه
حزينــــــه


والحزن ساكن قلبي
واجع قلبي
حارق قلبي
سامحني .. سامحني يا قلبي لأني
حزينـــــــه

برغم كل شئ شايفينوا قدامكوا
لكني
حزينـــــــه

حواليا ناس كتير شايفيني مبسوطه
قويه صلبه جامده
لكني مكبوته
طب بصوا جوايا
هتحسوا بأسايا
شوفوا دمعي وبكايا
ساكنين جوه قلبي وبيجروا في دمايا

طب ليه يا دنيا
ليه يا دنيا مبيصعبش عليكي حالي
ليه بتبعدي عني كل عزيز وغالي
ليه
ليه لما الاقي حد يحسني تاخديه وتمشي
ليه شيلاني فوق كتافك ومصره تقسي

تعبانه
وحزينه

جوايا بحور دموع .. محبوسه مش طالعه
والف اه بتصرخ .. جوايا نار والعه
جوايا ميت سؤال
وجوابهم شئ محال

ليه الوقت مش وقتي
ولا الزمان زماني

وليه دايما حزينـــــــه

ليه الوحده عنواني
إحساسي ومكاني
ليه الليله ديا صعبه
وملكاني احزاني

تعبانه وحزينـــــــه