04‏/01‏/2010

مش فهماني .. لأ فهماني

بقلمـ Śђąžล ฬąђ٤єĐ ♥ في 1/04/2010 07:12:00 م
قول رأيك 


مش عارفه مالي بجد
حاسه بضعف بقالي فتره مش حسيته
كنت اتخطيته وابتديت اقوى وارجع اقف على رجلي
أنا صحيح الحمد لله لسه واقفه على رجلي
بس حاسه إني ضعيفه أوي
ونفسي أعمل حاجات كتير مينفعش اعملها ولا المفروض اعملها وأكيد مش هعملها بس نفسي
نفسي اكلمك نفسي الاقيك قدامي واشوف نفسي في عينيك
نفسي اقولك وحشتني أووووووووووووووووي
نفسي اشوفك أوي نفسي اسمعك واحسك
نفسي يجي يوم الاقي كل حاجه زي ما كانت وكأن كل اللي فات وانت بعيد انا معشتهوش
أنا فعلا معشتهوش

أنا مش عارفه ليه فجأه كل حاجه صحيت جوايا تاني
أنا كنت مسيطره على كل حاجه جوايا كنت مخبيه كل حاجه
معرفش ايه اللي حصل بجد ولا ايه اللي جرالي
حاسه بأمل فظييييييييييييع في بكره
بس خاااااايفه خايفه أوي

بس برجع أقول أعيش بالأمل أحسن كتير من إني أعيش والدنيا ملهاش ملامح قدامي
حتى لو أمل كداب هيكون أرحم كتيييييير من عذاب اليأس

في حد قالي زمان ان مستحيل تكون بتفكر في حد وهو مش بيفكر فيك
ولما يكون في حد مسيطر على تفكير حد أكيد بيكون هو كمان مشغول بيه

أنا حابه إني أصدق الكلام ده حتى لو مش حقيقي

بس بسأل نفسي معقول فعلا كل حاجه ترجع
يا ترى إنت لسه فاكرني أصلا
أعرف منين إنك متكونش حبيت غيري

ومش هعرف أي حاجه
لا هعرف انت فاكرني ولا نسيت
ولا هعرف حبيت غيري ولا لأ

كل اللي أعرفه إني مستنياك ترجع
وإن جوايا أمل هفضل أجدده كل يوم لحد ما يتحقق

كل اللي أعرفه إني مش عارفه أشوف حد غيرك
ومش عايزه اشوف حد غيرك

كل اللي أعرفه إني رغم محاولات كتيره مني إني انساك لسه فكراك
ورغم محاولات مني كتير اني اكرهك لسه بحبك
ورغم محاولات مني كتير بدفن كل مشاعري ناحيتك جوايا إلا إنها لسه صاحيه
صاحيه وعايزه تخرج من جوايا لكل الدنيا زي ما كانت
رافضه تتحبس تاني

قربت أتجنن أنا
ربنا يهديني بقى

1 رسائلكمـ:

yoya يقول...

بصى يا شوشو هو انا مش فاهمه ايه

فجاه خلى عندك امل بنيتى الامل على ايه

مش فهماكى انا :lol:

هو عموما لو فى امل بسيط اتمسكى بيه

مش سهل انك تلاقى حب بجد ربنا يوفقك

يارب ويكرمك يا شوشو

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review