21‏/06‏/2012

أمنياتي الصغيره ♥

بقلمـ Śђąžล ฬąђ٤єĐ ♥ في 6/21/2012 12:42:00 ص
قول رأيك 

 
 نفسي في حاجات كتير اوي منك .. يمكن حاجات صغيره بس تفرق معايا كتير اوي

نفسي تحس بكلامي وتقراه بقلبك مش بعقلك
نفسي تحتوي غضبي منك وتعرف بجد تراضيني
نفسي احس بأهميتي عندك
نفسي تستحملني زي ما انا وتحبني زي ما انا

بنفس طريقتي .. بنفس جنوني .. ونفس غضبي .. وحيرتي .. ودلعي .. وضعفي ..

كل حاجه فيا

نفسي لما ازعل تعرف تصالحني
ولما اكلمك تسمعني
ولما اتناقش معاك تفهمني

نفسي متتخيلش اني دايما بتخانق معاك
نفسي تفهم اني بجد مش محتاجه غير اني اتفاهم معاك

نفسي في حاجات كتير اوي منك
عشان بحبك
 

 
 
 
 
 

13 رسائلكمـ:

NoNa AnGeL يقول...

وانا كماااااان نفسي بجد :(

Bent Men ElZman Da !! يقول...

ربنا يهديلك الحال يا حبيبتى
ويتحقق كل اللى نفسك فيه ده :))

Aya Mohamed يقول...

ربنا يحققلك كل اللى بتتمنيه يارب
و يصلحلك الحال بإذن الله :)

Deyaa Ezzat يقول...

كلمات بسيطة معبرة
إحساس عالي

ساره جمعه يقول...

كلنا نتمنى هذه الامنيات بشددده :)
يارب يكرمك ^_^

heba atteya youssef يقول...

كلنا هذه الأنثي

تحياتي

عاشقة القمر يقول...

حلو جدا يا شذى .. بسيط بس واااااااصل :)

Śђąžล ฬąђ٤єĐ ♥ يقول...

نونا .. ربنا يفرحك وتلاقي كل اللي في نفسك يااااااااارب :)

دودو .. يارب كلنا بجد .. ربنا يفرحك :)


آيه .. يارب وانتي كمان :)

Śђąžล ฬąђ٤єĐ ♥ يقول...

ضياء .. مبسوطه انك هنا :)

هبه .. نورتيني :)

عاشقة القمر .. وبتهيألي منه ؟..
مبسوطه انه عجبك .. ومستنياكي على طول :)

عاشقة القمر يقول...

لو بيتهيألي منه دي قصدك بيها انه اسمي يعني على ما فهمت .. ف لا هو عبير :)

Śђąžล ฬąђ٤єĐ ♥ يقول...

منوراني يا عبير وانا اسفه جدا بس أول مره اتابع مدونات كتير اوي كده فمتلخبطه شويات
سامحيني بقا :)

عاشقة القمر يقول...

ولا يهمك يا جميل انا كمان لسه مش مركزة ومش متعوده على متابعة كل المدونااااااات دي كلها كل يوم :)

Śђąžล ฬąђ٤єĐ ♥ يقول...

:))

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review