23‏/02‏/2012

الرسالـۃ الـ (45) بعد المائــۃ - - - > فراغ

بقلمـ Śђąžล ฬąђ٤єĐ ♥ في 2/23/2012 03:17:00 م
قول رأيك 



فراغ

مش مجرد كلمه فاضيه وخاليه من كل المعاني
ده احساس
احساس مسيطر على كل حاجه جوايا وحوليا

حد يعرف يعني ايه وقت فاضي
يعني موت بطئ
يعني انك تكون عايش بس مش شايف فين هي الحياه
وقت فاضي يعني سكون وريحة تراب ماليه جواك
يعني ورده جميله كانت في يوم بترسم ع الوشوش بسمه وتحرك في القلوب ذكرى
ورده كان فيها كل الأمل مبقاش باقي منها غير الاحساس بالألم وهي بتدبل وتموت

حد يعرف يعني ايه تكون من جوه فاضي
يعني تكون دايما وحيد لو مين حواليك
يعني تستسلم لكل شئ ... أصل ليه هتقاوم
يعني كل يوم يعدي وكأنه مبيعديش
وكل بكره بيجي كأنه مبيجيش
وكل حياتك زي قطر ماشي في طريق ملهوش نهايه ومن غير محطات

عايش ومش عارف ليه
مستني ايه
هتعمل ايه
انت النهارده ولا امبارح ولا بكره
انت مين
انت فين
انت بجد ليه

بتغير ايه بوجودك في الحياه
فارق مع مين

انت موجود أصلا ؟


4 رسائلكمـ:

غير معرف يقول...

ياااااااااارب كل الخير ليكى وان شاء الله اللى جى يكون احسن .

Dont Froget You

Śђąžล ฬąђ٤єĐ ♥ يقول...

انا نسيت نفسي فعلا لدرجة إني وحشتني..
وان شاء الله يكون اللي جي أحسن ليك ودايما تكون في احسن حال

غير معرف يقول...

ان شاء الله تلاقى نفسك ويبقا كل حاجه تمام التمام . خلى بالك من نفسك يا مريوما

Śђąžล ฬąђ٤єĐ ♥ يقول...

خلي انت بالك منك

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review