04‏/07‏/2011

الرسالـۃ الـ (40) بعد المائــۃ - - - > غضب

بقلمـ Śђąžล ฬąђ٤єĐ ♥ في 7/04/2011 01:55:00 م
جوايا كمية غضب مهوله ، فقدت السيطره عليها وعلى كل حاجه جوايا
فقدت ثقتي في كل حاجه وكل الناس
فقدت قدرتي على الحياه وعلى تصديق الناس
مش باقي ليا اي حاجه ولا اي حد
لا صاحب ولا اهل ولا حبيب
كل الناس كدابه تقول بحبك وتقول انك صاحبها ومتلاقيش حد وقت الجد
الغضب اللي جوايا عامل زي العاصفه بياخد كل حاجه في طريقه ومش سايبلي اي حاجه ولا حتى بواقي مني
مبقتش قادره اسيطر حتى على دموعي زهقت مني وملت وبتهرب من النار اللي جوايا
لا بنام ولا باكل ولا عارفه اعمل ايه في نفسي ولا اروح فين
جوايا كراهيه فظيعه بتاكل فيا حاسه اني بكره كل الناس بجد ومش طايقه اي حد
الكل سابني ، الكل سايبني لوحدي وانا بكرهكوا كلكوا ، كل حد قال انه بيحبني وبيخاف عليا انا بكرهه عشان هو كداب
كل واحده عملت صحبتي عشان تتكلم وتلاقي حد بس يسمعها ودلوقتي مبتقوليش حتى مالك انا بكرهها عشان هي كدابه
وانت اللي كنت عشرة سنين وجيت في ثانيه محيتني باستيكه من حياتك وكنت بتقولي اختي و غاليه واقرب من اخواتي انت كداب كداب يا محمد وانا بكرهك وبكره كل الناس
وانت اللي قلت ياريتني عرفتك من زمان وانك بتخاف عليا اكتر مني وانك تهمك مصلحتي وانك بتحبني انت كمان كداب كداب اوي اوي اوي وانا بكرهك اوي
انا بكره نفسي اصلا عشان حبيتكوا في يوم
انا مش عارفه اروح فين الدنيا قفلت في وشي بجد
انا كارهه كل الناس اللي في حياتي وكارهه حياتي نفسها وكارهه نفسي
اروح فين واعمل في نفسي ايه
انا تعبت يارب تعبتتتتتت وخلاص مبقاش فاضل فيا اي حاجه
ريحني بقا من تعبي ومن الكدب اللي حوليا ومن الناس ومن نفسي
خلاص انا هلكت ومبقتش نافعه لاي حاجه
ساعدني يارب بقا وخلصني من النار اللي جوايا
وخلصني من بواقي الناس اللي باعتني وسابتني
وخلصني من كل الكدب والتمثيل
انا مش عاوزه حد في حياتي ميلزمونيش
انا بكره كل واحد وواحده في حياتي بجد

3 رسائلكمـ:

Bent Men ElZman Da !! يقول...

انا مش مصدقه بجد انك شذى
مش مصدقه بجد انك وصلتى لكده
معقول للدرجه دى كنتى شايله جواكى حاجات
اه اختفيتى فتره وكلنا عارفين ان جواكى حاجه ومش عايزه تقوليها
بس ماكنتش متخيله بصراحه انها للدرجه دى
مش عارفه اقولك ايه وانتى بتقولى انك بتكرهى اى حد عرفتيه فى حياتك وانا من ضمنهم
بس انا كنت عارفه انك دايما اقوى من كده وانتى دايما اللى بتنصحينا
اى حد بيعدى بمطبات فى حياته اللى بتاخده لسابع ارض
وبيبقى فى يوم كويس ويوم وحش
لو انتى دلوقتى فى اليوم الوحش اكيد ربنا شايلك اليوم الكويس
خلى املك فى ربنا كبير
ولو غلطتى وعرفتى اشخاص مش تستحق يبقى اديكى اتعلمتى وعشان تبقى حذره فى اختياراتك بعد كده
الواحد مش بيتعلم ببلاش
بيتعلم من تجاربه والاشخاص اللى بيقابلهم والظروف اللى بيمر بيها
وبيتعلم اكتر بكتير من اللى بيوجعه

انا اسفه لو كنت قصرت معاكى فى يوم

Throb يقول...

طرقة ابواب الفضاء لكي ارسي الى صفحاتك

واتمعن بها بريق قلمك المميز

وهنا تصفق لها نظراتي اعجاباَ

http://emo-sad.blogspot.com/

Śђąžล ฬąђ٤єĐ ♥ يقول...

Emotional Sad

مرورك نور المدونه واضاف ليها كتير
شكرا لذوقك :)

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review