جوايا اتنين
( أنا ) و ( أنا )
أنا ... تقول نفسي أكون حره
من جوه مش بس من بره
نفسي أكسر كل قيودي اللي مكتفاني
وأخرج بره سكوتي اللي نساني كلامي
نفسي أعيش واقدر اتحداني
أخرج بره حزني و صمتي و وحدتي
واعدي كل حدودي اللي جوايا حبساني
حدودي اللي خايفه أعديها لاتوه مني
مع اني بموت كل يوم جواها قصاد مني
حدودي اللي رسمِتها ( أنا )
ولفت حبلها حولين رقبتي
وعلت في سورها وخلتني رهينتي
وازاي تكون نفسي سجني وسجاني
( أنا ) عملت فيا ( أنا ) كده
طب ليه كده
ليه يا ( أنا ) معذباني ... ووجعاني ... ومحيراني
وكل ما اجي امشي خطوه ترجعيني ألف خطوه
وكل ما انوي اخرج بره منك
عشان اعيش الحياه ... الاقيكي مكتفاني
وكل ما افكر اعدي حدودك وبحورك واهد سورك
تهديني وتهزميني وتكسري جوايا اللي باقي مني
ليه يا ( أنا )
حبساني جوه اتنين
مش عارفه اكون انا مين
افضل ( أنا ) ولا ( أنا )
ولا اكون ~ أنا ~ جديده غير الاتنين
3 رسائلكمـ:
"حدودي اللي خايفه أعديها لاتوه مني
مع اني بموت كل يوم جواها قصاد مني"
عاجبانى الحته دى
"افضل ( أنا ) ولا ( أنا )
ولا اكون ~ أنا ~ جديده غير الاتنين"
تكونى انتى الاولى
اللى نفسها تكون حره ومن غير قيود
مش انتى اللى حبساكى
جميله اوووى يا شوشو
تسلم ايدك :))
ابهرتينى بكلماتك
بس تعرفى انك ممكن تكونى
وسط مليون انا مش بس اتنين او تلاته بس
انا سعيد بوجودى هنا
تحياتى
دودو :)
صعب أوي أكون واحده فيهم من غير التانيه
وأصعب أكون واحده جديده غير الاتنين
دي عشرة 25 سنه
إسلـامـ
أنا أسعد كتير بوجودك هنا :)
وعندك حق .. كل واحد مننا جواه ناس كتير في وقت من الأوقات
إرسال تعليق
رأيك يهمني (,'')