03‏/02‏/2010

الرسالة السادسة - - - > لكل الدنيـــــــا

بقلمـ Śђąžล ฬąђ٤єĐ ♥ في 2/03/2010 12:07:00 ص
قول رأيك 


ياااااااه على الدنيا
بجد بتوجع أوي
بس لأ
مش الدنيا هي اللي بتوجع
الناس هي اللي بتوجع
الناس بتتغير أوي
وبتبعد أوي
وبتقسى أوي

أنا زعلانه أوي
زعلانه من كل حاجه
ومن كل الناس
بجد حاجه غريبه أوي
مفيش حاجه فيكي يا دنيا مش مزعلاني
حاسه إني مبقتش طبيعيه
حاسة إني لوحدي
الكلام مبقاش يخرج من جوايا
متقيد بجد ومبقاش قادر يفك القيود
مش قادر يخرج
والدموع خنقاني أوي
وصعبان عليا أوي إني أبقى لوحدي أوي كده
محدش مهتم ولا حد بيسأل ولا حد بيقول فيكي إيه
ولا حد بيسمع ولا حتى بقى في حد بيحس
زعلانه بجد
من أمي من اخواتي من صحابي من أقرب ناس ليا
زعلانه من نفسي إني بقيت كده
زعلانه أوي
بس بجد محدش عارف أنا جوايا إيه
ومحدش عايز يعرف
وأًصلا أنا مبقتش عارفه أقول اللي حساه
أنا فقدت حاجات كتير أوي
وزعلانه بجد أوي أوي أوي
بس ياريت محدش يزعل مني عشان بقيت كده
أنا مش قصدي أزعل حد
وكفايه يكون نصيبي إني أزعل بس
بلاش حد يزعل

وواضح إني هفضل كده كتير
ربنا يهونها بقى

3 رسائلكمـ:

pepsi يقول...

هو انا مش عارفه اقولك ايه
المفروض ازعل ولا اقولك احنا جنبك مع ان المفروض تكونى عارفه ده كويس
مش عارفه ليه بردو مش بقيت بشوفك
ربنا يخرجك من اللى انتى فيه يارب
وابقى طمنينى عليكى
على فكرة استايل البلوج اللى فات كان احلى من ده

ShoOoShy يقول...

أنا مبقتش عارفه حاجه يا آيه
ومعلش أنا مقرره ابعد فتره لحد ما افوق عشان مكونش سخيفه مع حد
وربنا يخليكي يا حبيبتي وميرسي ليكي كتير

pepsi يقول...

شايفه ان البعد ده حل بالعكس
فى ناس بتحبك اكيد هتستحملك
لكن طول ما انتى لوحدك مش هتفوقى بالعكس هتفضلى زى ما انتى
اعقلى يا بت وادخلى نتكلم

إرسال تعليق

رأيك يهمني (,'')

 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review