01‏/06‏/2011

الرسالـۃ الـ (35) بعد المائــۃ - - - > مين هنــا

بقلمـ Śђąžล ฬąђ٤єĐ ♥ في 6/01/2011 08:55:00 م


مين هنا

مين هنا يعرفني بجد
وقت الضحك ووقت الجد
ويعرف إن أنا اقدر اهد
مليون سور ومليون سد

مين هنا يعرف جوايا
يعرف شيخوختي وصبايا
يعرف افراحي واسايا
يعرف أحلامي ومنايا
ويقدر يفهم معنى غنايا

مين هنا يعرف احلامي
في الدنيا الواسعه النسياني
مين يعرف بيتنا وعنواني
في بطاقة قلب اللي رماني
مين اللي شاركني في احزاني
في أيامي الضلمه الملياني
أسئله جرحاني ووجعاني

مين

طب مين هنا وقت الشده بيكون موجود
وقت ما قلبي بيصرخ آه بيسمع قلبه الصوت
مين وقت ما تهرب مني الدمعه ياخدني في حضنه
ويصرخ فيا أنا موجود

مين .. مين فاهمـ .. حاسس .. قاري .. وعارف
كل كلامي .. حتى لو كل كلامي سكوت

مين

مين وقت ما بغرق جوه احزاني
بيمد ايده وينتشلني

مين وقت ما الف ايد تتمد تقتلني
يحوش عني

مين وقت ما كل الناس توجعني تخذلني
يفضل قصاد مني .. حاميني وحاضني

مين


مين هنا
مين يقدر يقول ( أنـــا ) ؟!!


Śђąžล
♥


4 رسائلكمـ:

Bent Men ElZman Da !! يقول...

"مين .. مين فاهمـ .. حاسس .. قاري .. وعارف
كل كلامي .. حتى لو كل كلامي سكوت"

عاجبانى اوووووووووووووووووى بجد
مش فاهمه ازاى دى تكونى مش مقتنعه بيها :@
تسلم ايدك يا حبيبتى :$

2 يونيو 2011 في 10:19 م
Śђąžล ฬąђ٤єĐ ♥ يقول...

تسلميلي يا دودو :)
حبك انا :*

5 يونيو 2011 في 8:59 م
محمود جمعه يقول...

اول مرة أزور مدونتك .. بجد رائعة جداً

والبوست ده كمان رائع

تسلم إيدك

9 يونيو 2011 في 9:01 م
Śђąžล ฬąђ٤єĐ ♥ يقول...

nasy3nwany

نورت المدونه .. ووجودك أجمل وأكيد رأيك يفرق معايا كتير
ميرسي ليك :)

10 يونيو 2011 في 1:53 م

إرسال تعليق

رأيك يهمني (,'')

الاشتراك في: تعليقات الرسالة (Atom)
 

ڒسَائِڶ خٱﺻ♥ـﮧ جدٱ Template by Ipietoon Blogger Template | Gadget Review